Հունաստանի վարչապետ Ալեքսիս Ցիպրասը հայտարարել է, որ շուտով ստիպված կլինի կատարել իր խոստումը եւ սկսել փողկապ կրել, հաղորդում է «ՌԻԱ Նովոստին»:
Ցիպրասը սկզբունքորեն փողկապ չի կրում, անգամ պաշտոնական միջոցառումներին, բայց խորհրդարանական ընտրություններից առաջ լրագրողներին խոստացել է, որ, երբ Հունաստանի խնդիրը լուծվի եւ երկիրը մարի իր պարտքերը, նա կսկսի փողկապ կրել:
«Շուտով ես էլ ստիպված կլինեմ փողկապ կրել», - ուրբաթ Հունաստանի նախագահ Պրոկոպիս Պավլոպուլոսի հետ հանդիպման ժամանակ ասել է Ցիպրասը:
Հանդիպումը ցույց է տվել հունական ERT հանրային հեռուստատեսություն ը:
Նախագահը հիշեցրել է, որ Ցիպրասին առաջին փողկապը նվիրել է Իտալիայի վարչապետ Մաթեո Ռենցին:
«Ինձ բոլորն են փողկապ նվիրում: Խոստումը պետք է կատարել», — ասել է Ցիպրասը:
Մի քանի օր առաջ Ցիպրասին փողկապ էր նվիրել նախկին հարավսլավական հանրապետություն Մակեդոնիայի վարչապետ Զորան Զաեւը երկրի նոր սահմանադրական անվանման մասին համաձայանգրի ստորագրումից հետո: