Գվատեմալայում Ֆուեգո հրաբխի ժայթքման շրջանում կիրակի օրը 8 մարդու դի է հայտնաբերվել, հաղորդում է երկրի ազգային ոստիկանությունը։
«Էսքուինթլայի ազգային քաղաքացիական ոստիկանության աշխատակիցները օգնում են տեղափոխել անհետ կորած համարվող 8 մարդկանց մնացորդները, որոնք գտնվել են Սան Միգել Լոս Լոտես հատվածում»,–ասված է հաղորդագրությունում։
Ֆուեգոն ժայթքել է հունիսի 3-ին։ Ավելի վաղ հայտնի էր դարձել, որ 112 մարդ է զոհվել։ Այժմ գտնված դիերի հետ մեկտեղ այդ թիվը հասել է 120-ի։ Եվս 189 մարդ համարվում են անհետ կորած, 57 մարդ էլ վիրավորվել է, ավերվել են 186 տներ։
Ֆուեգո հրաբխի ժայթքման շրջանում որոնողական աշխատանքների դադարեցման մասին որոշումից հետո տեղի իշխանությունները հայտարարել են այդ շրջանը զանգվածային հուղարկավորության գոտի հայտարարելու մտադրության մասին, փոխանցում է «ՌԻԱ Նովոստի»–ն։