«Non-Cash» անկանխիկ սպառողական վարկերի համար այսուհետ կարելի է դիմել նաեւ օնլայն` առանց բանկ այցելելու: Այդ կերպ Յունիբանկն էապես խնայում է իր հաճախորդների ժամանակը` հնարավորություն ընձեռելով վարկի համար դիմել ցանկացած պահի: Հաճախորդների հարմարավետության ապահովման համար վարկի հայտը կարելի է լրացնել` այցելելով ինչպես www.unibank.am կայք, այնպես էլ ֆեյսբուք:
Իր մատճելի պայմանների եւ պարզ ընթացակարգի շնորհիվ, «Non-Cash» վարկը հասանելի է առավելագույն թվով հաճախորդներին: Վարկը տրամադրվում է անկանխիկ` քարտով, մինչեւ 48 ամիս ժամկետով: Գումարը կազմում է մինչեւ 1 մլն ՀՀ դրամ, տոկոսադրույքը` 15% տարեկան:
Վարկի գծով մարումները կարելի է կատարել ինչպես մասնաճյուղերում` սպասարկող աշխատակցին դիմելով, այնպես էլ ինքնուրույն` բանկի վճարային տերմինալների միջոցով: Վաղաժամկետ մարումը թույլատրվում է առանց սահմանափակումների եւ տույժերի:
Սպառողական վարկավորման շուկայում Յունիբանկն առաջատար բանկերից մեկն է, ինչը մեծապես պայմանավորված է բնակչության համար վարկավորման մատչելի պայմանների ապահովմամբ: Այսօր Յունիբանկն օրական տրամադրում է ավելի քան 1 000 վարկ:
«Յունիբանկը մեծ ուշադրություն է հատկացնում հատկապես արագ եւ պարզ սպասարկմանը եւ ձգտում է ծառայությունները մատուցել հաճախորդի համար ամենահարմար տարբերակով: Վարկերն առավել մատչելի դարձնելու համար այս տարի բանկի կողմից արդեն իսկ վերանայվեցին եւ նվազեցվեցին սպառողական վարկերի տոկոսադրույքները: Յունիբանկն առաջին բանկն էր Հայաստանում, որ հնարավորություն ընձեռեց իր հաճախորդներին վարկի համար դիմել նաեւ օնլայն: Այսօր մենք հայտի օնլայն տարբերակ ենք առաջարկում նաեւ Non-Cash վարկի համար, որպեսզի մեր հաճախորդները կարողանան օգվտել մեր ծառայությունից հենց իրենց տանը` առանց բանկ այցելելու եւ առավել եւս հերթ կանգնելու»,- նշեց Յունիբանկի Մանրածախ բիզնեսի զարգացման եւ վաճառքների տնօրեն Գուրգեն Ղուկասյանը:
