Գեղարքունիքի մարզի Արտանիշ գյուղի տարածքում նախօրեին կորած երկու երեխաներին (15 եւ 11 տարեկան) գտել են: Այս մասին NEWS.am-ի հետ զրույցում նշեց Գեղարքունիքի մարզի Շողակաթ խոշորացված համայնքի ղեկավար Սուլիկո Շուշանյանը:
Նրա խոսքով, նրանք եղբայրներ են, որոնք աշխատելիս են եղել անասնապահական ֆերմայում, որտեղից պարզապես գնացել են հարեւան Ծափաթաղ գյուղ՝ բարեկամի տուն. «Դրանք մոր ծիծ կտրող են, կորողը չեն, ֆերմայից գնացել են Ծափաթաղ՝ հարազատի տուն»,-ասաց նա:
Համայնքի ղեկավարը նշեց, որ երեխաների ընտանիքում 8 երեխա է մեծանում:
Ավելի վաղ NEWS.am-ը հայտնել էր, որ հուլիսի 5-ին, ժամը 01։51-ին «911» ծառայությանն ահազանգ է ստացվել, որ Գեղարքունիքի մարզի Արտանիշ գյուղի բնակիչներ Է. Ղ.-ն (2003 թ.) և Է. Ղ.-ն (ծնվ.2007թ.) ս.թ. հուլիսի 4-ին, ժամը 05։30-ի սահմաններում ֆերմայից դուրս են եկել և չեն վերադարձել. որոնողական աշխատանքների համար անհրաժեշտ է փրկարարների օգնությունը:
Դեպքի վայր են մեկնել ՀՀ ԱԻՆ ՓԾ հրշեջ-փրկարարական ջոկատի և մարզային փրկարարական վարչության օպերատիվ խմբերը: Հուլիսի 4-ին, ժամը 08:30-ին որոնողական աշխատանքները ժամանակավորապես դադարեցվել էին, իսկ այսօր առավոտյան վերսկսել:
