Հարավային Կորեան 6 ամսում առաջին անգամ դադարեցրել է իրանական նավթի եւ խտանյութի մատակարարումները, հայտնում է Reuters-ը՝ վկայակոչելով հարցին ծանոթ 3 աղբյուրի: Աղբյուրի համաձան՝ հուլիսին Հարավային Կորեան ԱՄՆ ճնշման ֆոնին իրանական նավթը չի ընդունել, որը դաշնակիցներից պահանջում է նոյեմբերին իրանական նավթից հրաժարվել:
Այդուհանդերձ, Ճապոնիան դեռեւս շարունակում է իրանական նավթը ներմուծել, սեպտեմբերին իրանական նավթը գնելու հնարավորությունը դիտարկում են եւս մի քանի գնորդներ, ասել է աղբյուրը:
Ասիայում Չինաստանի եւ Ճապոնիայի հետ միասին Իրանի հիմնական հաճախորդներից մեկի՝ Հարավային Կորեայի որոշումը տեղի է ունենում իրանական նավթը գնելու համար սահմանված ԱՄՆ պատժամիջեցներից ազատելու բանակցությունների ֆոնին, ինչպես եղել է մինչեւ իրանական միջուկային համաձայնագիրը սահմանված պատժամիջոցների դեպքում:
Երկու այլ աղբյուր հայտնել են, որ հարավային Կորեան Իրանից հում նավթի հուլիսյան մատակարարումները դադարեցրել է, քանի որ հայտնի չէ Իրանի հետ առեւտուր անելու դեպքում կազատվի՞ ԱՄՆ պատժամիջոցներից:
Չեղարկումը նշանակում է, որ Հարավային Կորեան իրանական նավթը չի մատակարարի օգոստոսին, 2012 թվականի օգոստոսից առաջին անգամ:
Նշենք, որ ԱՄՆ-ն դուրս է եկել իրանական միջուկային համաձայնագրից եւ մտադիր է ընթացիկ տարվա նոյեմերի 4-ին վերականգնել Իրանի դեմ պատժամիջոցները: Վաշինգթոնը պնդում է, որ իր դաշնակիցները հրաժարվեն իրանական նավթի ներմուծումից՝ հայտարարելով, որ այս հարցում պատժամիջոցների մեղմացում չի լինի:
