Եվրոպական հանձնաժողովը հավանություն է տվել Հյուսիսային Աֆրիկայից միգրացիայի վերաբերյալ երեք նոր ծրագրերին: Ուրբաթ կազմակերպության մամուլի ծառայությունը հաղորդում է, այդ նպատակով Աֆրիկայի համար Եվրոպական նպատակային հիմնադրամին ավելի քան 90 մլն եվրո է հատկացրել, հաղորդում է ՏԱՍՍ-ը:
«Նոր ծրագրերը խթան կհանդիսանան միգրացիոն հոսքերի մարդասիրական եւ կայուն կարգավորման համար՝ փրկելով եւ պաշտպանելով միգրանտների կյանքը, նրանց օգնելով եւ նպաստելով թրաֆիքինգով զբաղվողների դեմ պայքարին: <...> Այս աշխատանքը տվել է իր արդյունքը եւ ավելի շատ կտա, եթե երկրները գործեն իրենց պարտավորություններին համապատասխան», - այս կապակցությամբ հայտարարել է ԵՄ Արտաքին գործերի եւ անվտանգության քաղաքականության հարցերով բարձրագույն հանձնակատար Ֆեդերիկա Մոգերինին:
