Հայաստանն ու ԵՄ-ն հարաբերությունների հստակ ձեւավորված օրակարգ ունեն, մենք ունենք նոր իրավական հիմք մեր հարաբերությունները կառուցելու եւ զարգացնելու։ Այս մասին «Շանթ» հեռուստաընկերության հետ հարցազրույցում նշել է ՀՀ ԱԳ նախարար Զոհրաբ Մնացականյանը:
«Այդ առումով մենք շարունակում ենք խորացնել, ամրապնդել այն հարաբերությունները, որոնք վերաբերում են Եվրամիությանը։ Նորից սա վերաբերում է Հայաստանին, եւ այդ ուղղությամբ մեր հարաբերությունների զարգացման հիմքում ընկած է նույն սկզբունքը, ինչ որ մյուս ուղղությունների։
Ինչպես ենք մենք օգտագործում միջազգային հարաբերությունները, ինչպես ենք մենք օգտագործում համագործակցության այս հարթակը մեր երկրի ներքին խնդիրները, զարգացման օրակարգը առաջ տանելու համար։ Գիտեք, որ մենք շատ հստակ ենք այն առումով, որ համագործակցության հիմնական նպատակը ցանկացած համագործակցության հիմնական նպատակն է նպաստել Հայաստանի ներքին օրակարգը, Հայաստանի զարգացման օրակարգն առաջ տանելուն։ Դա վերաբերում է եւ՛ Եվրասիական միությանը, եւ՛ Եվրոպական միությանը, եւ՛ մեր համագործակցությանը բոլոր մյուս ուղղություններով։ Այո՛, իսկապես շատ ուրախալի է, որ մենք ունենք ձեւավորված օրակարգ, արդեն ունենք հաստատված նոր հիմքը հարաբերությունների, այն է՝ նոր պայմանագիրը, որը հիմա ժամանակավոր կիրառման կարգավիճակում է, եւ արդեն կարող ենք կոնկրետ գործառույթներ իրականացնել՝ այդ պայմանագիրը կյանքի կոչելու համար։ Մենք, բնական է, քաղաքական երկխոսության մեջ ենք ներգրավված Եվրոպական միության հետ, ինչպես եւ մյուս գործընկերների հետ։ Իհարկե, շատ կարեւոր եւ լավ առիթ է, որ վարչապետը կունենա Բրյուսելում իր հանդիպումների ժամանակ, ներկայացնել Հայաստանը, ներկայացնել նոր Հայաստանը, ներկայացնել նոր օրակարգը եւ անմիջական շփման մեջ լինել Եվրամիության մեր գործընկերների հետ»,- նշել է Զոհրաբյանը։