Երեքշաբթի Հյուսիսային Թաիլանդում ջրածածկված քարանձավից երեխաներին տարհանելու երրորդ փուլը սկսվել է տեղական ժամանակով 10.08-ին, փրկարարները հույս ունեն գործողության ընթացքում դուրս բերել քարանձավում մնացած 5 երեխաներին, ճեպազրույցի ժամանակ հայտնել է փրկարարական գործողության միացյալ շտաբի պետ Նարոնգսեկ Օսոտհանակոնը, փոխանցում է «ՌԻԱ Նովոստի»-ն:
«Բոլորիս ժամանակը խնայելու եւ միանգամից բոլորին հանգստացնելու համար, այլապես արդեն երկար ժամանակ տեղացող անձրեւի պատճառով, հավանաբար, բոլորը անհանգստանում են, թե երբ եւ ինչպես կանցկացվի տարհանումը, անմիջապես ասեմ՝ երեխաներին դուրս բերելու գործողությունը սկսվել է այսօր 10.08-ին»,- ասել է փրկարարների ղեկավարը:
«Եվ եւս մեկ ուրախալի նորություն. այսօրվա գործողության նպատակն է քարանձավում մնացած բոլոր 5 երեխաների եւ 4 զինծառայողների դուրսբերումը, ներառյալ բժիշկների, որոնք ամբողջ ժամանակ երեխաների հետ են եղել՝ նրանց հայտնաբերելու պահից սկսած: Այսօր մակերեւույթ դուրս կբերվեն բոլոր 9 մարդիկ»,- հավելել է Օսոտհանակոնը:
