Մարտի 1-ի գործով այլ պաշտոնյաներ եւս հրավիրվել են հարցաքննության։ Այս մասին այսօր՝ հուլիսի 10-ին լրագրողների հետ զրույցում նշեց ՀՔԾ պետ Սասուն Խաչատրյանը։
«Այո՛, այլ պաշտոնյաներ եւս հրավիրվել են հարցաքննության, բայց անուններ չեմ նշի»,–ասաց նա։
Հարցին՝ արդյոք հնարավոր կլինի բացահայտել Մարտի 1-ը, թե կան փաստեր, որ մարդկանց հիշողություններում հնարավոր չի լինի վերականգնել, Խաչատրյանը նկատեց. «Ես լավատես եմ»։
Նշենք, որ ավելի վաղ Մարտի 1-ի գործով մեղադրանք է առաջադրվել պաշտպանության նախկին նախարար Միքայել Հարությունյանին, եւ նրա նկատմամբ հայտարարվել է հետախուզում:
ՀՔԾ-ն հաստատել է նաեւ, որ որ Հայաստանի երկրորդ նախագահ Ռոբերտ Քոչարյանը հրավիրվել է հարցաքննության։ Նշենք, որ Ռոբերտ Քոչարյանը եւս Հայաստանում չէ։
