Առաջին S-400 մարտկոցները Թուրքիա կտեղափոխվեն մինչեւ հաջորդ տարվա վերջ: Այս մասին Բրյուսելում NATO Engages ֆորումի ժամանակ ասել է Թուրքիայի արտաքին գործերի նախարար Մեւլութ Չավուշօղլու, փոխանցում է Անատոլիական գործակալությունը:
Թուրքական S-400-ի գնման վերաբերյալ Թուրքիայի որոշումը դժգոհություն էր առաջացրեց ոչ միայն Միացյալ Նահանգների, այլեւ Անկարայի՝ ՆԱՏՕ-ի շրջանակներում մի շարք այլ գործընկեր երկրների կողմից: Նրա խոսքով՝ Ս-400-ի գնման մասին Թուրքիայի որոշումը բացատրվում է իր օդային տարածքը պաշտպանելու հրատապ անհրաժեշտությամբ:
«Մենք չկարողացանք նման համակարգեր ձեռք բերել մեր գործընկերներից: Ուստի, ընդունվել էր Ռուսաստանի առաջարկը: Թուրքիան ինքնիշխան պետություն է եւ իրավունք ունի ինքնուրույն որոշումներ կայացնել»,- ասել է Չավուշօղլուն:
Նախարարը նշել է, որ Ռուսաստանից S-400-ի գնումը չի նշանակում, որ Թուրքիան մտադիր է հեռանալ ՆԱՏՕ-ից: Թուրքիայի արտաքին գործերի նախարարը նշել է, որ առաջին Ս-400 համակարգերը Թուրքիա կտեղափոխվեն մինչեւ հաջորդ տարվա վերջ: