Իրաքում զանգվածային անկարգությունների ֆոնին երկրի մայրաքաղաք Բաղդադում արգելափակել են ինտերնետ հասանելիությունը, փոխանցում է ТСН-ն։ Այսպիսի որոշում է կայացվել Իրաքի ազգային անվտանգության խորհրդի նիստին, որը նախագահել է վարչապետ Հայդար ալ Աբադին։
Նշվում է, որ հակակառավարական ցույցերը սկսվել են երկրի հարավային շրջաններում եւ հասել են Բաղդադ։
Բողոքի ցույցեր են անցկացվել Բաղդադի արեւմուտքում, որտեղ հիմնականում շիա մուսուլմաններն են բնակվում։ Ցուցարարները հիմնականում պահանջում են կառավարության հրաժարականը։ Անվտանգության ուժերի ժամանելուց հետո որոշ ցուցարարներ սկսել են անվադողեր այրել:
Բաղդադում նաեւ ուժեղացրել են անվտանգության միջոցները՝ ոստիկանությունը փակել է քաղաքի «կանաչ գոտի» մուտքը, որտեղ տեղակայված են կառավարական շենքերը։
Հիշեցնենք, որ Իրաքում մահապատժի են ենթարկել ահաբեկչության համար դատապարտված 12 մարդու՝ մահապատիժներն արագացնելու մասին վարչապետ Հեյդար Ալ Աբադիի կոչից մի քանի ժամ հետո՝ ի պատասխան անվտանգության ուժերի 8 զինծառայողների առեւանգման ու սպանության։
