Հուլիսի 14-ին՝ ժամը 13.00-ի սահմաններում, հիվանդանոցից հաղորդում է ստացվել, որ մարմնական վնասվածքով իրենց մոտ է տեղափոխվել 81-ամյա կին։ Նա հայտնել է, որ վնասվածքը ստացել է Ստեփանավան քաղաքի Դուրյան-Բաղրամյան փողոցների խաչմերուկում` վրաերթի ենթարկվելու հետեւանքով:
Պարզվել է, որ նույն օրը՝ ժամը 13.00-ի սահմաններում, «ՎԱԶ-21099» մակնիշի ավտոմեքենան վերոնշյալ խաչմերուկում վրաերթի է ենթարկել կնոջը. վարորդն իր մեքենայով նրան տեղափոխել է հիվանդանոց:
Կատարվում է քննություն։
***
Հուլիսի 14-ին՝ ժամը 16.00-ի սահմաններում, «Օպել Աստրա» մակնիշի ավտոմեքենան Գյումրի քաղաքի Հաղթանակի եւ Տերյան փողոցի խաչմերուկում վրաերթի է ենթարկել 49-ամյա տղամարդու: Նրան տեղում ցուցաբերվել է բուժօգնություն:
Կատարվում է քննություն։
***
Հուլիսի 15-ին՝ ժամը 19.20-ին, «ԲՄՎ» մակնիշի ավտոմեքենան Երեւանի Արշակունյաց պողոտայում վրաերթի է ենթարկել 86-ամյա տղամարդու, որը մարմնական վնասվածքներով տեղափոխվել է հիվանդանոց:
Կատարվում է քննություն։
***
Հուլիսի 15-ին՝ ժամը 19.50-ին, «Միցուբիշի» մակնիշի ավտոմեքենայի վարորդը Երեւանի Բագրատունյաց փողոցում վրաերթի է ենթարկել 57-ամյա կնոջ, որը մարմնական վնասվածքներով տեղափոխվել է հիվանդանոց:
Կատարվում է քննություն։
***
Հուլիսի 15-ին՝ ժամը 22.50-ին, «Տոյոտա» մակնիշի ավտոմեքենայի վարորդը Երեւանի Կոմիտասի պողոտայի եւ Շահսուվարյան փողոցի խաչմերուկում վրաերթի է ենթարկել 64-ամյա կնոջ, որը մարմնական վնասվածքներով տեղափոխվել է հիվանդանոց:
Կատարվում է քննություն։
***
Հուլիսի 15-ին՝ ժամը 13.52-ի սահմաններում, Վանաձորի Գր. Լուսավորիչ փողոցի 40 հասցեում գտնվող կանգառում անհայտ մակնիշի ավտոմեքենան հետընթաց կատարելիս վրաերթի է ենթարկել 53-ամյա կնոջ` պատճառելով մարմնական վնասվածք. վարորդը հեռացել է դեպքի վայրից:
Ձեռնարկված միջոցառումների շնորհտիվ պարզվել է, որ հուլիսի 15-ին՝ ժամը 23.00-ին, կնոջը վրաերթի է ենթարկել «ՎԱԶ-21043» մակնիշի ավտոմեքենայի վարորդը:
Կատարվում է քննություն։
***
Հուլիսի 15-ին՝ ժամը 19.10-ի սահմաններում, «Մերսեդես» մակնիշի ավտոմեքենան Եղեգնաձոր քաղաքի Մոմիկի փողոցում վրաերթի է ենթարկել 4-ամյա տղայի, որը մարմնական վնասվածքներով տեղափոխվել է հիվանդանոց:
Կատարվում է քննություն։