Ճապոնիայում մեկ շաբաթվա ընթացքում գրեթե 10 հազար մարդ տեղափոխվել է հիվանդանոց շոգերի պատճառով, 12 մարդ մահացել է, հաղորդում է «ՌԻԱ Նովոստի»-ն՝ վկայակոչելով հրշեջ ծառայությանը կից շտապ օգնության վարչությունը: Ըստ այդմ՝ հուլիսի 9-ից 15-ը 95656 մարդ է տեղափոխվել հիվանդանոց ջերմային հարված ախտանիշով, ինչը 3.7 անգամ գերազանցում է նախորդ շաբաթվա ցուցանիշը: Մահացել է 12 մարդ:
Այս վիճակագրությունը չի ներառում երեքշաբթի օրը Տոկիոյում գրանցված տվյալները, երբ միայն մեկ օրվա ընթացքում շտապ օգնության մեքենաներն օրական 2.9 հազար անգամ արձագանքում էին ջերմային հարվածի դեպքերի կանչերին: Այս թիվը ծառայության համար ռեկորդային է 1936 թվականից ի վեր:
Ճապոնիայի գրեթե ողջ տարածքում շոգ եղանակ է՝ 35 աստիճանից բարձր: Չորեքշաբթի օրը նահանգներից մեկում՝ Գիֆուում, վերջին հինգ տարվա ընթացքում առաջին անգամ 40 աստիճան տաքություն է գրանցվել: