ԱՄՆ առեւտրի նախարար Ուիլբուր Ռոսը հայտարարել է, որ նոր հետաքննություն է սկսել այն հարցի շուրջ, թե արդյոք ուրանի ներմուծումը սպառնալիք է ազգային անվտանգության համար, ինչը կարող է բերել մաքսատուրքերի կամ քվոտաների ներդրման, հաղորդում է Reuters-ը:
Նրա խոսքով՝ հետաքննությունը կընդգրկի ԱՄՆ-ի ուրանի ոլորտը, ներառյալ՝ արդյունահանումը, հարստացումը եւ դրա օգտագործումը արդյունաբերության եւ պաշտպանության ոլորտներում։
Ուրանն օգտագործվում է ԱՄՆ-ի միջուկային զինանոցում եւ ապահովում է միջուկային ավիակիրների եւ ռազմածովային ուժերի սուզանավերի, ինչպես նաեւ ԱՄՆ-ի 99 միջուկային ռեակտորների աշխատանքը, որոնք արտադրում են Միացյալ Նահանգներում սպառվող էլեկտրաէներգիայի 20 տոկոսը:
