1988-ի երկրաշարժից շուրջ 30 տարի անց էլ Գյումրիով մեկ սփռված են ավելի քան 2000 կիսախարխուլ վագոն-տնակներ: Առավել ծանր է այդ տնակներում մանկահասակ երեխաներով պատսպարված ընտանիքների եւ հատկապես միայնակ մայրերի վիճակը, հաղորդում է «Շիրակ Կենտրոնը»:
Տնակային ավաններում առավել հաճախակի ենք հանդիպում դպրոցահասակ երեխաներին գիշերօթիկ հաստատություններ ուղարկած ընտանիքների: Նման ընտանիքների ծնողներից շատերը պատճառաբանում են կացարանային պայմանների բացակայությունը:
«Շիրակ կենտրոնի» պատրաստած տեսանյութում 3 դպրոցահասակ երեխաների միայնակ մայրը ներկայացնում է իրենց ընտանիքի կացարանային ծանր պայմանները:
