Եվրասիական տնտեսական հանձնաժողովը սկսել է «հատուկ պաշտպանական հետաքննություն» Եվրասիական տնտեսական միության տարածքում (ԵՏՄ, որում ընդգրկված են Ռուսաստանը, Բելառուսը, Ղազախստանը, Հայաստանը եւ Ղրղզստանը) պողպատե գլանվածքների լայն տեսականու ներկրման մասին:
Հետաքննությունը սկսվել է պողպատե գլանվածքների հիմնական արտադրողների` Վիկտոր Ռաշնիկովի Մագնիտոգորսկի մետալուրգիական կոմբինատի, Վլադիմիր Լիսինի Նովոլիպեցկի մետալուրգիական կոմբինատի եւ Ալեքսեյ Մորդաշովի «Սեվերստալի» դիմումների հիման վրա: Դիմումի մեջ նշվում է, որ ԵՏՀ տարածքում ներկրման ավելացման պատճառը 2015-2017 թթվականներին տարբեր երկրներում կիրառված հակադեմպինգային սահմանափակումներն են:
Բացի այդ, ռուսաստանյան մետաղագործները գլանվածքների ներմուծման հետագա աճի վտանգը տեսնում են ԱՄՆ-ում պողպատե ներմուծման 25 տոկոս մաքսատուրքերի ներդնումից հետո, որի մասին 2018 թվականի մարտին հայտարարել էր ԱՄՆ նախագահ Դոնալդ Թրամփը:
«Հատուկ պաշտպանական հետաքննությունը կօգնի կանխել ԵՏՄ-ի շուկայի վնասը՝ մետաղի գլանվածքների հոսքի ուղղության փոփոխությունից պրոտեկցիոնիստական միջոցների աճի ֆոնին. ԱՄՆ-ում պողպատի եւ ալյումինի ներմուծման 25 տոկոս մաքսատուրքերի ներդնումից եւ ԵՄ-ում սակագնային քվոտաներից, Թուրքիայում սսկված հետաքնությունից հետո եւ այլն: Այսպիսին է համաշխարհային պրակտիկան, որը թույլ է տալիս մեղմել «դոմինոյի» հետեւանքները պողպատի գլոբալ շուկայում», - ասել է Նովոլիպեցկի մետալուրգիական կոմբինատի ներկայացուցիչը:
