Եվրամիության կարգավորիչները որոշում են՝ արդյոք նպատակահարմար է սմարթֆոնների արտադրողներին ստիպել սմարթֆոնների լիցքավորման համար միասնական միակցիչ օգտագործել: Եթե նման որոշում կայացվի, ապա Apple-ը ստիպված կլինի հրաժարվել Lightning միակցիչից, հաղորդում է «Life»-ը` հղում անելով Reuters-ին:
Այս մասին մամուլին ասել է Եվրամիության մրցակցության հանձնակատար Մարգրեթ Վեսթագերը: Ըստ նրա, ԵՄ կարգավորող մարմինները կարող են արտադրողներին ստիպել սարքերում միասնական միակցիչ օգտագործել եւ համապատասխանաբար, միասնական լիցքավորման սարքեր թողարկել:
Նման միջոց Եվրահանձնաժողովը առաջարկել էր դեռ 10 տարի առաջ: 2009-ին մի շարք ընկերություններ, ներառյալ Apple, Samsung, Huawei, ստորագրեցին կամավոր հուշագիր, ըստ որի նոր սմարթֆոնները նույն լիցքավորիչները կունենան: Ժամանակը ցույց տվեց, որ Apple-ը հրաժարվել է այդ որոշումից:
