ԱՄՆ-ի արտոնագրային եւ ապրանքային նշանների գերատեսչությունը գրանցել է Apple-ի՝ iPhone- ի միջոցով ինքնության ճանաչման տեխնոլոգիայի հայտը, հաղորդում է Apple Insider-ը:
Ենթադրվում է, որ տեխնոլոգիան թույլ կտա սմարթֆոնը անձնագրի փոխարեն օգտագործել: Գաղափարը հիմնված է պաշտպանվող պահեստարանից սեփականատիրոջ տվյալները տեղեկատվությունը պահանջող մարմնին փոխանցելու վրա:
Ընկերությունը մտադիր է գաջեթից տեղեկատվությունը փոխանցել ռադիոհաճախականության նույնականացման տեխնոլոգիայի միջոցով, օրինակ`NFC-ի, որն արդեն օգտագործվում է սմարթֆոններից շատերում: Մասնագետների մտահաղացմամբ, տվյալների չարտոնված մուտքի պաշտպանությունը կապահովվի Touch ID-ի եւ Face ID-ի կենսաչափական ստուգման տեխնոլոգիաներով:
Հրատարակությունը ընդգծում է, որ Apple-ը ամեն շաբաթ գերատեսչություն բազմաթիվ հայտեր է ուղարկում, սակայն մշակվող տեխնոլոգիաներից միայն մի քանիսն են իրականացվում ընկերության վերջնական արտադրանքներում:
