Կյանքի 61-րդ տարում մահացել է ռուս դերասան եւ ռեժիսոր, Մոսկվայի «Պրակտիկա» թատրոնի գեղարվեստական ղեկավար Դմիտրի Բրուսնիկինը, հաղորդում է «Կուլտուրա» հեռուստաալիքը:
Բրուսնիկինը ավարտել է «ՄԽԱՏ»-ի դպրոց ստուդիան (Օլեգ Եֆրեմովի կուրսը): Նրա առաջին դերը Ալեքսանդր Իլյիչ Ուլյանովն էր «Պուտ» բեմադրությունում: Որպես ռեժիսոր, Բրուսնիկինն աշխատել է «Նա Արգենտինայում է», «Գրոզա», «Առաջ եւ հետո», «Կուլմինացիա» եւ շատ այլ բեմադրությունների ստեղծման վրա:
Բրուսնիկինը համատեղում էր աշխատանքը թատրոնում եւ կինոյում: Նա նկարահանվել է «Անհավասար ամուսնություն», «Սերը դանակի սայրի վրա», «Քաղաքացի ղեկավարը», «Սրտի կանչով» եւ շատ այլ ֆիլմերում:
