ԱՄՆ-ի Միչիգան նահանգում կաթվածահարված Անջելե Փիթերսին (Angela Peters) Da Vi nails սրահում  մերժել են սպասարկել: Մատնահարդարը նրան ասել է, որ չի պատրաստվում ժամանակն անօգուտ գործի վրա ծախսել, քանի որ 36-ամյա Փիթերսի ձեռքերը հիվանդության պատճառով շատ ուժեղ ցնցվում են, հաղորդում է ABC News-ն:

Walmart սուպերմարկետի գանձապահը տեսել է վշտացած եւ վիրավորված Փիթերսին եւ որոշել է նրա համար մի հաճելի բան անել: Ճաշի ընդմիջման ժամանակ նա եղունգների լաք է գնել եւ առաջարկել նրան մատնահարդում անել: Կինը կարողացել է զգուշությամբ ներկել Փիթերսի դողացող ձեռքերի եղունգները: Նա խոստովանել է, որ ամաչել է մատնահարդարի փոխարեն եւ փորձել է այնպես անել, որ Անջելեի տրամադրությունը չընկնի: