Վրաստանում տղամարդ է ձերբակալվել, ով փակի տակ էր պահում իր 8 երեխաներին: Այս մասին հայտնում է «Գրուզիա օնլայն»-ը՝ վկայակոչելով Վրաստանի ներքին գործերի նախարարությունը: Սվանեթիի բնակիչ Ամիրան Դեւնոզաշվիլին փակի տակ էր պահում իր երեք որդիներին եւ 5 դուստրերին՝ հիմնավորելով իր որոշումն այն հանգամանքով, որ հասարակության մեջ նրանք միայն վատը կսովորեն:
Նրան մեղադրանք է առաջադրվել Վրաստանի Քրեական օրենսգրքի 150-րդ հոդվածով (անձի գործողությունների ազատության ապօրինի սահմանափակում, այսինքն՝ նրա ֆիզիկական կամ մտավոր պարտադրում՝ գործողությունների կատարելու կամ չկատարելու նպատակով, որոնց իրականացումը կամ որոնցից ձեռնպահ մնալը նրա իրավունքն է):
