ՀՀ երկրորդ նախագահ Ռոբերտ Քոչարյանի փաստաբան Հայկ Ալումյանը լրագրողների հետ զրույցում մեկնաբանել է Վերաքննիչ դատարանի երեկվա որոշման առնչությամբ ՀՔԾ–ի կողմից արված հայտարարությունը։
Հիշեցնենք, որ դատարանը Ռոբերտ Քոչարյանին կալանքից ազատ էր արձակել նախկին նախագահի անձեռնխելիության հիմքով։ ՀՔԾ–ն Վերաքննիչ դատարանի որոշումը ապօրինի է որակել։
«Ցավալի է, որ պետական մարմինը իրեն իրավունք է վերապահում դատարանի որոշումը անվանել ապօրինի։ Ըստ երեւույթին՝ ՀՔԾ–ն լավ չի պատկերացնում իր կողմից ասվածի իմաստը եւ իր լիազորությունների շրջանակը։ Պետական մարմինը հայտարարություններ է անում պետության անունից։ Պետության անունից հայտարարել, որ դատարանի որոշումն անօրինան է, նա իրավունք չունի։ Կարող էր ասել, որ համաձայն չէ դատարանի որոշման հետ, որոշումը թույլ կողմեր ունի եւ պատրաստվում է բողոքարոկել, բայց իրավունք չունի դատարանի որոշումն ապօրինի անվանել»,–նկատել է փաստաբանը։
Վերաքննիչն ապօրինի որոշում է կայացրել. ՀՔԾ-ն՝ Ռոբերտ Քոչարյանին ազատ արձակելու մասին
