Ավելի քան 300 կաթոլիկ քահանա 1950-ական թվականներից ի վեր ԱՄՆ Փենսիլվանիայ նահանգի 6 թեմերում սեռական ոստնձգություններ են իրականացրել 1000 անչափահասի նկատմամբ: Այս մասին է վկայում մեծ ժյուրիի՝ ատենակալների կելոգիայի զեկույցը. այս ժյուրին ԱՄՆ-ում որոշում է առաջադրված մեղադրանքների հիմնավորվածությունը, փոխանցում է Deutsche Welle-ն:
Ժյուրիի խոսքով՝ իրականում երեխաների թիվը կարող է շատ ավելի մեծ լինել, քանի որ փաստաթղթերի մեծ մասը կորել է, իսկ զոհերը շատ դեպքերում վախենում էին բարձրաձայնել տեղի ունեցածի մասին:
Փենսիլվանիայի գլխավոր դատախազի խոսքով՝ երկու տարվա հետաքննության արդյունքում պարզվել է, որ մանկապղծության դեպքերը կոծկվել են այս նահանգի եկեղեցու բարձրաստիճան ներկայացուցիչների կողմից, ինչպես նաեւ՝ Վատիկանի մակարդակով:
2016 թվականի հունիսին Հռոմի պապ Ֆրանցիսկոսը հայտարարել էր, որ եպիսկոպոսները, ովքեր հրաժարվել են իրենց թեմերում մանկապղծության դեպքերի հետաքննություններ անցկացնել, կկորցնեն իրենց տեղը: Մանկապղծության դեմ պայքարը եւ դրա նկատմամբ «զրոյական հանդուրժողականությունը» Վատիկանի համար գլխավոր թեմաներից է 2013 թվականին Ֆրանցիսկոսի ընտրությունից հետո: