Նախագահ Վլադիմիր Պուտինը ցանկանում է Մոսկվայի եւ Վաշինգթոնի հարաբերությունները դուրս հանել խորը ճգնաժամից: Այս մասին հայտարարել է Ռուսաստանի նախագահի մամուլի քարտուղար Դմիտրի Պեսկովը, հաղորդում է «ՌԻԱ Նովոստին»:
«ՌԴ նախագահը դեռեւս ցանկանում է մեր երկկողմ հարաբերությունները դուրս հանել այն խորը ճգնաժամից, որում դրանք գտնվում են: Նա այդ մասին բազմիցս ասել է: Այս տրամադրվածությունը պահպանվում է: Սակայն, միեւնույն ժամանակ, ոչ ոք չի պատրաստվում վշտանալ, եթե Վաշինգթոնն այս առումով նույն դիրքորոշումը չունենա», - ասել է Պեսկովը:
