Ռուսաստանի եւ Չինաստանի առաջիկա զորավարժությունները ցույց են տալիս, որ Մոսկվան շարունակում է կենտրոնանալ լայնածավալ հակամարտությունների վրա: Այդ մասին հայտարարել է ՆԱՏՕ-ի մամուլի քարտուղարի պաշտոնակատար Դիլան Ուայթը, հաղորդում է Reuters-ը:
Նրա խոսքով, «Արեւելք-2018»-ը, որը «Սառը պատերազմի» ժամանակներից ամենամեծ պատերազմական խաղեր են անվանում, «ցույց է տալիս Ռուսաստանի ուղղվածությունը լայնածավալ հակամարտության»:
Նա նշել է, որ այդ զորավարժությունները ցույց են տալիս «ավելի համառ Ռուսաստան, որը զգալիորեն ավելացնում է պաշտպանական բյուջեն եւ ռազմական ներկայությունը»:
ՆԱՏՕ-ն դեռեւս որոշում է՝ ընդունել արդյոք սեպտեմբերի 11-15-ը անցկացվող զորավարժություններին Մոսկվայի դիտորդներ ուղարկելու հրավերը:
