Ցանկացած մարդ, անկախ զբաղեցրած պաշտոնից, ազգանունից, եթե մասնակցել է մարտի 1-ի արյունոտ իրադարձություններին, պետք է ամբողջ խստությամբ պատժվի: Այս մասին լրագրողների հետ զրուցում ասաց «Բարգավաճ Հայաստան» կուսակցության առաջնորդ Գագիկ Ծառուկյանը՝ պատասխանելով այն հարցին, թե ինչ պատժամիջոց պետք է ընտրվի բարձրաստիճան պաշտոնատար անձանց նկատմամբ, որոնք կապ ունեն Երեւանում 2008 թվականի մարտի 1-ի իրադարձություններին:
«Դա աններելի է: Նրանք, ովքեր ժողովրդի վրա ձեռք են բարձրացրել կամ անմեղ ցուցարարների վրա են կրակել, պետք է պատժվեն ամենախիստ կերպով»,- նշեց Ծառուկյանը:
