News
Լրահոս
News
Շաբաթ
Փետրվար 23
Տեսնել լրահոսը

Հայաստանի Հանրապետության շուկայի վերահսկողության տեսչական մարմինը վերահսկողություն է իրականացնում ոչ պարենային արտադրանքի անվտանգության եւ չափումների միասնականության ապահովման, թանկարժեք մետաղներից պատրաստված իրերի հարգորոշման եւ հարգադրոշմման ոլորտներում:

Ստուգումների իրականացման ընթացքում Տեսչական մարմինը թիրախավորում է այն ոլորտները, որոնք ունեն առավել բարձր ռիսկայնության ցուցանիշ, մասնավորապես՝

• օծանելիք եւ կոսմետիկ արտադրանքներ,

• խաղալիքներ,

• ավտոգազալիցքավորման ճնշակայաններ (ԱԳԼՃԿ),

• ավտոմոբիլային բենզին եւ դիզելային վառելիք,

• երեխաների եւ դեռահասների համար նախատեսված արտադրանք:

Ինչպես տեղեկացնում են մարմնի լրատվական բաժնից, վերոնշյալ ոլորտներում իրականացրած ստուգումների արդյունքում բացահայտվել են տարբեր բնույթի խախտումներ, որոնցից.

Օծանելիք եւ կոսմետիկ արտադրանք - արտադրանքն իրացվել է առանց համապատասխանության գնահատման փաստաթղթի եւ մակնշման,

Խաղալիքներ - արտադրանքն իրացվել է առանց համապատախսանության գնահատման փաստաթղթի եւ մակնշման,

ԱԳԼՃԿ - վաճառքն իրականացվել է խորանարդ մետրով` կիլոգրամի փոխարեն, ճնշումը գերազանցել է թույլատրելի չափը,

Ավտոմոբիլային բենզին եւ դիզելային վառելիք - վառելիքի փորձարկման արդյունքների ցուցանիշները չեն համապատասխանել տեխնիկական կանոնակարգով սահմանված անվտանգության ցուցանիշններին՝ օկտանային թվի եւ ծծմբի պարունակության անհամապատասխանություն,

Երեխաների եւ դեռահասների համար նախատեսված արտադրանք - արտադրանքն իրացվել է առանց համապատախսանության գնահատման փաստաթղթի եւ մակնշման:

Ստուգումների ընթացքում բացահայտված խնդիրների վերացման եւ կանխարգելման նպատակով Տեսչական մարմինը իրազեկում հանդիպումներ է կազմակերպել տնտեսվարողների հետ թե Երեւանում եւ թե մարզերում: Երեւանում կազմակերպվել է հանդիպում երեխաների եւ դեռահասների համար նախատեսված, օծանելիք եւ կոսմետիկ, ինչպես նաեւ պետական գրանցման ենթակա ոչ պարենային այլ արտադրանք ներմուծող, արտադրող եւ իրացնող տնտեսվարողների հետ: Մարզերում կազմակերպվել են հանդիպումներ ԱԳԼՃԿ-ների, բենզալցակայանների եւ ոչ պարենային արտադրանք ներմուծող, արտադրող եւ իրացնող տնտեսվարողների հետ: Հանդիպումների ընթացքում տնտեսվարողներին ներկայացվել են տեխնիկական կանոնակարգերի պահանջները, դրանց պարտադիր պահպանման հետ կապված՝ նրանց իրավունքներն ու պարտականությունները, ոլորտը կարգավորող օրենսդրական փոփոխությունները:

Հայաստանի Հանրապետության շուկայի վերահսկողության տեսչական մարմինը կոչ է անում բոլոր սպառողներին՝ լինել հանրային վերահսկող, պահանջատեր, չգնել առանց մակնշման եւ համապատասխանության գնահատման փաստաթղթի առկայության արտադրանք՝ որքան էլ դրանք ունենան մատչելի արժեք: Հայաստանում պետք է ձեւավորվի իրացնող-սպառող շուկայական հարաբերությունների մշակույթ, որը կապահովի բացառապես անվտանգ եւ որակյալ արտադրանքի առկայություն հայաստանյան շուկայում:

Տպել
Կարդացեք նաև
Ամբողջը
Օրենսդրական փոփոխությունը հնարավորություն կընձեռի մարդկանց ապահովագրել ֆորս-մաժորային իրավիճակներից․ Էնֆիաջյան
Այսպիսով՝ առաջարկվող օրենսդրական փոփոխությունը հնարավորություն կընձեռի մարդկանց․․․
Մետրոյի զարգացման ծրագիրը մտել է գործնական փուլ. քաղաքապետարանի առաջարկը գրավել է ներդրողներին (ֆոտո)
Երբ հասանք գնահատականների փուլին, հասկացանք, որ անմիջապես մետրոյի հարեւանությամբ ունենք հնացող ֆոնդով թաղամաս…
Կլինի Գագիկ Ծառուկյանը, ես, թե դուք, պետությունը պետք է պաշտպանի տեղական արտադրողին․ Սերգեյ Բագրատյան
Պատգամավորի կարծիքով՝ եթե գործող գներով այս ընկերությունները չկարողանան մրցակցել ներկրված ավելի էժան․․․
Անցել են ժամանակները, երբ վարչապետի զանգով պետք էր վարկ վերցնել, տոկոս իջեցնել. Փաշինյան
Կառավարությունից ձեզ համար հաղթանակներ մի՛ ուզեք, ձեր հաղթանակները դուք ինքներդ պետք է կերտեք...
Բիզնես հարաբերություններում այլեւս չկան խոչընդոտներ, որոնք կարող են առաջանալ պետության միջամտության հետեւանքով. Նախարար
Ամենեւին այնպես չէ, որ բոլոր կարգավորումները պարզ են այնքան, որ որեւէ մեկն իր գործունեությունը սկսելու ընթացքում վստահ լինի...
«Արդյոք Հայաստանում կարո՞ղ է տեղի ունենալ տնտեսական հրաշք». Փաշինյանը հռչակեց դրան հասնելու կարգախոսը
Դրանք նոր աշխատատեղերն են, եկամուտների նոր մակարդակը, բարեկեցության նոր մակարդակը...