ԼՂՀ նախագահ Բակո Սահակյանն ստորագրել է հրամանագիր «Արցախբանկ»-ում ԼՂՀ քաղաքացիների` 1993 թվականից արժեզրկված ավանդների նախնական փոխհատուցման մասին:
Արցախի Հանրապետության նախագահի մամուլի գրասենյակից NEWS.am-ին հայտնում են, որ համաձայն հրամանագրի՝ կառավարությանը հանձնարարվել է ապահովել մինչեւ 1968 թվականը ծնված քաղաքացիների, ինչպես նաեւ Արցախի Հանրապետության պաշտպանության համար զոհված զինծառայողների եւ պատերազմի առաջին խմբի հաշմանդամների ավանդների նախնական փոխհատուցման իրականացումը: