Ուրբաթ նավթի էտալոնային ապրանքանիշների գները ասիական գործարքների ընթացքում բարձրանում են նախորդ օրվա բավական կտրուկ անկումից հետո, ինչը պայմանավորված էր միջազգային էներգետիկ գործակալության (IEA) տվյալների հրապարակմամբ, հաղորդում է «Ինտերֆաքսը»:
Լոնդոնի ICE Futures բորսայում Brent տեսակի նավթի գինն աճել է 0,18 դոլարով (0,23 տոկոս)` մինչեւ 78,36 դոլար մեկ բարելի դիմաց: Նախորդ օրվա գործարքների ժամանակ դրանց գինը նվազեց 1.56 դոլարով (1.96 տոկոս) եւ փակման ժամանակ կազմեց 78.18 դոլար՝ մեկ բարելի դիմաց:
Հոկտեմբերի համար WTI նավթի ֆյուչերսների գները ուրբաթ առավոտյան աճել են 0,24 դոլարով (0.35 տոկոս)` մինչեւ 68,83 դոլար մեկ բառելի դիմաց: Վերջին նստաշրջանի արդյունքում դրանց գինը նվազել է 1.78 դոլարով (2.53 տոկոս), գործարքների ավարտին հասնելով շուրջ 68.59 դոլարի՝ մեկ բարելի դիմաց:
Այս շաբաթվա սկզբից WTI-ն աճել է 1.6 տոկոսով, Brent-ը` 1.9 տոկոսով:
Գործակալության տվյալներով, Լիբիայում, Իրաքում, Նիգերիայում եւ Սաուդյան Արաբիայում արդյունահանման աճը ավելի քան փոխհատուցել է Իրանում վառելիքի արտադրության կրճատումը ԱՄՆ-ի առաջիկա պատժամիջոցների ֆոնին: