Վաշինգթոնն ունի ապացույցներ այն մասին, որ Ռուսաստանը միջամտել է ամերիկյան էներգացանցերի գործունեությանը։ Այս մասին Մոսկվայում լրագրողների հետ հանդիպմանը հայտարարել է ԱՄՆ էներգետիկայի նախարար Ռիկ Փերրին

«Կա ապացույց, որ նման միջամտություն եղել է, եւ դա անթույլատրելի է»,- ասել է նա։

Հուլիսի վերջին The Wall Street Journal թերթն իր կայքում հայտնել էր, որ ամերիկյան իշխանությունները պնդում են, թե ռուսական հաքերներին անցյալ տարի հաջողվել է մուտք գործել ամերիկյան էներգետիկ ենթակառուցվածքներ։