News
Լրահոս
News
Երկուշաբթի
Մարտ 18
Տեսնել լրահոսը


Մեր տպավորությամբ՝ սա փորձ է՝ լռեցնելու լրատվամիջոցին, որը հանդես է գալիս մեր երկրում առկա մերժելի երևույթների քննադատությամբ: Այս մասին հայտարարություն է տարածել Yerevan.Today կայքի խմբագիր Սեւակ Հակոբյանը:

Հայտարարությունում ասվում է.

«Սեպտեմբերի 17-ին Հայաստանի Հանրապետության Քննչական Կոմիտեի եւ Ոստիկանության կողմից խուզարկություն կատարվեց Yerevan.today լրատվականի խմբագրությունում: Խուզարկությունը կատարվեց մոտ 6-7 ժամ՝ խաթարելով կայքի գործունեությունը:

Նախ աշխատակիցների մուտքը գրասենյակ արգելված էր քննչական գործողությունների իրականացման հիմքով, այնուհետեւ այդ հնարավորությունից զրկված էին, քանի որ խուզարկության ավարտին հատուկ գործողություն իրականացնող խումբն առգրավեց  գլխավոր խմբագրի համակարգիչը եւ 3 այլ համակարգիչների կոշտ սկավառակները, որոնք պարունակում են նաեւ լրագրողական, առեւտրային եւ անձնական տվյալներ:

Հիմքը համացանցում տարածված տեղեկատվությունն էր, իբրեւ ՀՔԾ եւ ԱԱԾ ղեկավարների գաղտնալված աղմկահարույց հեռախոսազրույցը դրա տարածումից երկու օր առաջ՝ սեպտեմբերի 9-ին, տեղադրել էր մեր կայքը, հետո՝ հեռացրել: Այս տեղեկատվությունը պաշտոնապես հերքվել էր մեր եւ ոլորտին տիրապետող փորձագետների կողմից՝ հավաստելով, որ Google որոնողական համակարգի սխալի արդյունք է: Մասնավորապես, համակարգը սխալ էր ցույց տվել տեղադրման օրը եւ ոչ միայն այդ նյութի:

Ըստ Google-ի՝ սեպտեմբերի 11-ին ԱԱԾ եւ ՀՔԾ տնօրենների հրատապ հրավիրած մամուլի ասուլիսի վերաբերյալ տեղեկատվությունը եւս Yerevan.Today-ը տեղադրել էր երկու օր շուտ, ինչն աբսուրդ է: Այդ որոնման արդյունքն իսկ փաստում էր, որ խնդիր կա Google որոնման համակարգում: Նույն որոնման համակարգի սխալների շարքում էր նաեւ այն, թե մի քանի այլ կայքեր եւս տեղեկությունն ավելի վաղ են տեղադրել: Այս ամենի մասին համապատասխան հիմնավորմամբ խուզարկությունից օրեր առաջ հանդես եկավ տեղեկատվական անվտանգության փորձագետ Սամվել Մարտիրոսյանը:

Այդ օրերին եղան հրապարակումներ, հերքումներ, պարզաբանումներ, բայց, ըստ երեւույթին, իրավապահ մարմիններն ավելի շատ ուշադրություն դարձրին ֆեյքերի լուրերին: Նպատակը, երեւի, այլ էր…

Ուշադրություն ենք հրավիրում, որ խուզարկության նպատակն էր նաեւ հայտնաբերել գաղտնալսող սարքեր եւ այլ նյութեր՝ կապված այդ ձայնագրության հետ:

Մեր տպավորությամբ, սա փորձ է՝ լռեցնելու լրատվամիջոցին, որը հանդես է գալիս մեր երկրում առկա մերժելի երեւութների քնադատությամբ եւ փորձ է խաթարելու կայքի բնականոն աշխատանքը: Սա միտված է մեր օրինակով «դաս» տալ ազատ ու հիմնավորված քննադատական խոսք հնչեցնող մյուս լրատվամիջոցներին: Սա անուղղակի պարտադրանք է՝  ազատ մտածելն ու արտահայտվելը փոխարինելու ներքին գրաքննությամբ:

Այս գործելաոճը մեզ հայտնի է դեռ Սովետմիության տարիներից, որն իր գագաթնակետին հասավ անկախ Հայաստանի 90-ականներին, երբ փակվում էին իշխանության տրամաբանության գծից շեղվող կուսակցություններ եւ լրատվամիջոցներ:

Լրատվադաշտի համախմբված պայքարը՝ այս արատավոր գործելակերպի դեմն առնելու, անցած տարիներին հաջողություն արձանագրեց, իսկ այժմ, ցավոք, վերադառնում են մեր պատմության ամոթալի էջերը: Մեր երկրում, ստացվում է, իրավական համակարգը շարժվում է ֆեյքերի եւ ֆեյքային տրամաբանությամբ գործող իշխանական թերթի թելադրանքով:

Ազատ, անկաշկանդ ու տրամաբանված, հիմնավորված քննադատությունը յուրաքանչյուր իշխանության համար կարեւոր գործիք է սխալներից հնարավորինս զերծ մնալու, եւ չափազանց կարեւոր է, որ Հայաստանի իշխանությունը շարժվի այս գիտակցումով:

Մենք պատրաստվում ենք դիմել ներհայաստանյան եւ միջազգային կառույցներին, որոնք զբաղվում են մամուլի եւ խոսքի ազատության պաշտպանության շրջանակներում՝ իրենց վերաբերմունքը բարձրաձայնելու ակնկալիքով:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Իշխանությունները մեդիայի դեմ պայքարում անցել են «պարտիզանական պատերազմի». Աղասի Ենոքյան
Պարտավոր ենք նկատել եւ հիշեցնել, որ լրատվամիջոցները միշտ էլ կատարել եւ կատարում են իրենց ֆունկցիան՝ թե հեղափոխությունից առաջ, թե հեղափոխության ժամանակ, եւ թե հեղափոխությունից հետո…
Թրամփը քննադատել է Fox News-ին իր սիրելի հաղորդավարուհուն հեռացնելու համար
«Դադարեք այդքան ջանասիրաբար քաղաքականապես կոռեկտ լինել»,-ասել է Թրամփը…
Մեքսիկացի լրագրողին սպանել են իր սեփական տանը
Բարոսոն այս տարի Մեքսիկայում սպանված երրորդ լրագրողն է․․․
Մահացել է Հայաստանում Reuters գործակալության թղթակից Հասմիկ Մկրտչյանը
Խոր վշտով տեղեկացնում եմ…
Սլովակ մուլտիմիլիոնատերը լրագրողի սպանության համար կկանգնի դատարանի առջեւ
Կուցիյակը լրագրողական հետաքննություն էր անցկացնում․․․
Մարտի 12-ին թվային ցանցով հեռարձակումը ժամանակավորապես կդադարեցվի
Թվային հեռուստատեսային հեռարձակման ցանցում նախատեսված են պլանային պրոֆիլակտիկ աշխատանքներ…