ԱՄՆ–ն կոչ է արել Թուրքիայի իշխանություններին անհապաղ ազատ արձակել NASA–ի գիտնական Սերքան Գոլգեին, որն ազատազրկվել է իսլամական քարոզիչ Ֆեթուլահ Գյուլենի հետ կապի համար, որին Անկարան մեղադրում է 2016 թվականի հուլիսին հեղաշրջման փորձի մեջ, փոխանցում է ABCNews–ը։
ԱՄՆ պետդեպարտամենտը հայտարարել է, որ հետեւում է Գոլգեի գործին՝ պնդելով, որ գործում չկան բավարար ապացույցներ։ Միաժամանակ, պետդեպարտամենտում ողջունել են դատարանի որոշումը նրա ազատազրկման ժամկետը կրճատելու մասին։
Հիշեցնենք, որ ավելի վաղ Գոգլեի ազատազրկման ժամկետը դատարանը կրճատել էր 7.5-ից հասցնելով 5-ի եւ հանել էր ահաբեկչական կազմակերպությանը անդամակցության մեղադրանքը։
36-ամյա Գոգլեն ԱՄՆ քաղաքացի է եւ կալանավորվել է անհաջող պետական հեղաշրջման փորձի ժամանակ։