Տանզանիայում՝ Վիկտորիա լճում լաստանավի խորտակման հետեւանքով առնվազն 86 մարդ է զոհվել։ Տեղի իշխանությունները մտավախություն ունեն, որ զոհերի թիվը կարող է գերազանցել 200 մարդը, փոխանցում է BBC–ն։
Լաստանավը շրջվել է Ուկորա եւ Բուգոլորա կղզիների միջեւ՝ ափի մոտ։ Նախնական վարկածով՝ նավը ծանրաբեռնված է եղել եւ կորցրել է հավասարակշռությունը։
Տեղի լրատվամիջոցները հայտնում են, որ լաստանավը նախատեսված է եղել 100 ուղեւորի համար, սակայն իշխանությունները պնդել են, որ խորտակման պահին նավի վրա ավելի քան 400 մարդ է եղել։
Փրկվածներից 37 մարդ գտնվում է ծայրահեղ ծանր վիճակում։ Զոհերի ու տուժածների հստակ թիվը չի նշվում։
