Առնվազն 136 մարդ է զոհվել Տանզանիայի Վիկտորիա լճում լաստանավի խորտակման հետեւանքով։ Դեպքը տեղի է ունեցել սեպտեմբերի 20-ին՝ տեղեկացնում է РБК-ն՝ հավելելով, որ զոհերի թիվը կարող է աճել։
Այսօր մարզային ոստիկանության ղեկավար Ջոնաթան Շանը հայտարարել է, որ փրկվել են 37 ուղեւորներ։
Երկրի իշխանության ներկայացուցիչն ասել է, որ ուղեւորների հստակ թիվը հնարավոր չէ պարզել, քանի որ զոհվել է անձնակազմի տոմսեր ընդունող անդամը։ Կարծիք կա, որ նավը խորտակվել է գերբեռնվածության պատճառով, քանի որ նախատեսված է եղել 100 մարդու համար։
Reuters-ը հայտնել է, որ նավի վրա 300 ուղեւոր է եղել, CNN-ը հայտնել է 400-500 ուղեւորի մասին։
