Նման փաստեր չունեմ, իսկ ես սիրում եմ խոսել միայն փաստերով։ Այս մասին լրագրողներին ասաց «Իմ քայլը» դաշինքի թեկնածու Հայկ Մարությանը՝ պատասխանելով այն հարցին, թե ինքը տեսնում է այս պահին ՀՀ երկրորդ նախագահ Ռոբերտ Քոչարյանին ԲՀԿ–ի թիկունքում։
«Ես սիրում եմ խոսել միայն փաստերով, եթե փաստ լինի, թուղթ լինի, կամ ինչ–որ բան, հա, կարող եմ ասել»,–ասաց նա։
Իսկ հարցին, թե արդյոք կային ընտրություններին մասնակցող հակահեղափոխական ուժեր, Հայկ Մարությանն ասաց, որ այն ուժերը, որոնք ուզում են տանել այս ընտրությունները ընտրակեղծիքների, ընտրակաշառքի, կամ այլ մեխանիզմների միջոցով հակահեղափոխական են։
«Դա ոնց ուզում եք անվանեք, հակահեղափոխական, սեւ, այդ ուժերը բնականաբար կան, եւ այ դուք հիմա հարցրեցիք, հիմա ովքեր են այդ ուժերը, ես չգիտեմ, դա իրենք գիտեն, թող իրենք հասկանան, թե իրենք ովքեր են։ Ես միայն մի բանի հետ եմ համաձայն, որ վերջին 20 տարում սրանք միակ արդար, թափանցիկ ընտրություններն են»,–եզրափակեց նա։
