Մոսկվան մինչ այժմ համոզիչ տեղեկատվություն չի տրամադրել 9M729 հրթիռային նոր համակարգի մասին՝ հայտարարել է ՆԱՏՕ-ի գլխավոր քարտուղար Յանս Սթոլթենբերգը՝ տեղեկացնում է DW-ն։
Միաժամանակ Սթոլթենբերգը Մոսկվային կոչ է արել անհապաղ արձագանքել այս մտավախություններին։ Այն հարցին, թե Ռուսաստանի կողմից պայմանագրի խախտման կասկածները հաստատվելու դեպքում ՆԱՏՕ-ն ինչ միջոցներ կկիրառի, գլխավոր քարտուղարը չի պատասխանել։
Հիշեցնենք, որ Ռուսաստանին այդ հարցում մեղադրել էր նաեւ ՆԱՏՕ-ում ԱՄՆ-ի մշտական ներկայացուցիչ Բեյլի Հաթչիսոնը։ «Ռուսաստանը պետք է դադարեցնի արգելված թեւավոր հրթիռային համակարգերի մշակումը, այլապես Վաշինգթոնը կփորձի ոչնչացնել դրանք մինչեւ գործարկումը»,- ասել էր նա։
