Սեպտեմբերի 19-ին ԵՄ ղեկավարությանը ուղարկված հայտագրով Դանիայի Թագավորությունը ավարտին է հասցրել «ՀՀ-ԵՄ Համապարփակ եւ ընդլայնված գործընկերության համաձայնագրի» վավերացման գործընթացքը:
Այս մասին NEWS.am-ին հայտնում են Դանիայի Թագավորությունում Հայաստանի դեսպանությունից։
Հիշեցնենք, որ Հայաստանի Հանրապետություն-Եվրոպական Միություն համապարփակ և ընդլայնված գործընկերության համաձայնագիրը ստորագրվել է 2017 թվականի նոյեմբերի 24-ին՝ Բրյուսելում, Հայաստանի Հանրապետության և Եվրոպական Միության միջև։
2018–ի թվականի ապրիլի 11–ին ՀՀ խորհրդարանը միաձայն վավերացրել է համաձայնագիրը:
Մինչեւ այսօր համաձայնագիրը վավերացրել է նաեւ Եվրոպայի խորհուրդը եւ Եվրամիության 6 երկիր։