Խաղաղ օվկիանոսում ձեւավորված «Սերջիո» փոթորիկը հասել է 5 հնարավոր հզորությունից չորրորդ կարգի, հայտնում է Փոթորիկների նախազգուշացման ազգային կենտրոնը (NHC), փոխանցում է «ՌԻԱ Նովոստի»-ն:
Օդերեւութաբանների տվյալներով՝ սա այս սեզոնին արդեն 8-րդ չորրորդ կարգի փոթորիկն է:
Ներկայումս այն գտնվում է Մեքսիկայի Ստորին Քալիֆորնիա նահանգի ափերից 1345 կմ հեռավորությամբ: Փոթորիկը 15 կմ/ժ արագությամբ շարժվում է հյուսիսարեւմտյան ուղղությամբ: Փոթորկի ներսում քամիների արագությունը հասնում է ժամում 215 կմ-ի:
Մասնագետների ենթադրությամբ՝ փոթորիկը, հնարավոր է, սկսի թուլանալ ուրբաթ: