Apple-ը Google-ից եւ Facebook-ից տարբերվում է օգտատերերի գաղտնիության հանդեպ իր արմատական մոտեցմամբ, պնդում է Apple-ի ղեկավար Թիմ Քուկը: Vice-ի հետ հարցազրույցում ամերիկյան էլեկտրոնային հսկայի ղեկավարը ընկերությունների անվանումներ չի հրապարակել, սակայն ակնարկել է այն ծառայություններին, որոնք օգտատերերի տվյալները հավաքում են գովազդային թարգեդինգի համար, փոխանցում է HighTech-ը:

Քուկի խոսքով՝ օգտատիրոջ մասին հոգածության պատրվակով տեղեկությունների ցանկացած հավաքումը «կատարյալ անհեթեթություն» է:

«Նրանք փորձում են ձեզ վստահեցնել, որ ծառայությունների որակը կբարելավվի, եթե ձեր տվյալները հայտնեք: Բայց դրան մի՛ հավատացեք»,- կոչ է արել Apple-ի գլխավոր տնօրենը:

Ինչպես նշում է CNBC-ն, Apple-ը մշտապես նոր սահմանափակումներ է մտցնում օգտատերերի մասին տեղեկությունների հասանելիության համար: Վերջերս 1 տրլն դոլար արժեքով նոր կանոններ է մտցրել հավելվածների մշակողների համար, որոնց համաձայն նրանք պետք է հրապարակայնորեն հայտնեն, թե կոնկրետ ինչպես են օգտագործելու օգտատերերի մասին տեղեկությունները:

Որոշ փորձագետների կարծիքով՝ Apple-ն ավելորդ արմատական դիրք է գրավում, ինչի հետեւանքով տուժում է նրա ծառայությունների որակը: Օրինակ՝ Siri-ն շատ բաղադրիչներով արդեն զիջում է Google-ի եւ Amazon-ի ձայնային օգնականներին:

Սակայն Քուկը չի պատրաստվում իր դիրքորոշումը փոխել: Հարցազրույցում նա շեշտել է, որ գաղտնիությունը համարում է 21-րդ դարի գլխավոր մարտահրավերներից մեկը: Այս պայմաններում Apple-ը ջանում է «հնարավորինս քիչ տեղեկություններ հավաքել»:

Քուկը պատրաստ է ընդառաջ գնալ կարգավորողներին եւ նրանց օգնել նոր օրինագծեր պատրաստել ՏՏ ընկերությունների գործունեության վերահսկողության համար: Միաժամանակ, նա հավելել է, որ սովորաբար հանդես չի գալիս կարգավորման խստացման օգտին, պարզապես այս դեպքում բացառություն կատարելու ժամանակն է: