Եվրամիությունից Մեծ Բրիտանիայի դուրս գալու պայմանների շուրջ բանակցությունները կարող են ավարտվել մինչեւ այս տարվա նոյեմբերի սկիզբը։ Այս մասին հայտարարել է Եվրահանձնաժողովի նախագահ Ժան Կլոդ Յունկերը՝ տեղեկացնում է DW-ն։
Նոյեմբերի 17-18-ը Բրյուսելում կանցկացվի հատուկ գագաթաժողով՝ նվիրված Brexit-ի հարցին, որի ժամանակ, այլ թեմաներից բացի, կքննարկվեն Բրիտանիայի եւ ԵՄ անդամների տնտեսական հետագա համագործակցության պայմանները։
Յունկերի խոսքերով՝ տարբերակը, որի դեպքում Մեծ Բրիտանաիան դադարեցնի անդամակցությունը ԵՄ-ին առանց համապատասխան պայմանագրի, «ահավոր հետեւանքներ» կարող է ունենալ։ Միաժամանակ, Բրյուսելի հետ բանակցությունների ռազամավարության մասին վեճերը պառակտում են մտցրել Պահպանողական կուսակցության շարքերում, որի ղեկավարը վարչապետ Թերեզա Մեյն է։