ԱՄՆ ֆինանսների նախարարության աշխատակիցները արտասահմանյան արժույթների հարցով առաջիկա հաշվետվության հետ կապված հայտնել են գերատեսչության ղեկավար Սթիվեն Մնուչինին, որ Չինաստանը մանիպուլացիաներ չի անում յուանի հետ, հայտնում է Bloomberg–ը՝ վկայակոչելով իր աղբյուրներին։
Եթե Մնուչինը հաշվի առնի այդ փաստը, դա կկանխի ԱՄՆ–ի եւ Չինաստանի միջեւ առեւտրային պատերազմի էսկալացիան եւ կվերացնի անհանգստության աղբյուրները զարգացող շուկաների համար։ Սակայն Մնուչինը կարող է այլ եզրահանգման գալ։
ԱՄՆ նախագահ Դոնալդ Թրամփը հրապարակայնորեն եւ անձնապես ճնշում է գործադրել Մնուչինի վրա, որ Չինաստանին հայտարարի արժութային մանիպուլյատոր, սակայն Ֆինանսների նախարարության աշխատակիցները հիմնավորում չեն գտել դրան, հայտնում են աղբյուրները։