Նյու Յորքում անցած հանգստյան օրերին 25 տարում առաջին անգամ չի գրանցվել կրակոցի ոչ մի դեպք: Այս մասին հայտնում է New York Post-ը՝ վկայակոչելով քաղաքի ոստիկանությանը:
Նշվում է, որ վերջին անգամ համանման վիճակ է գրանցվել 1993 թվականին:
Քաղաքապետ Բիլ դե Բլազիոն գովաբանել է Նյու Յորքի ոստիկաններին:
«Վերջին հանգստյան օրերին՝ ուրբաթ, շաբաթ եւ կիրակի Նյու Յորքում հրաձգության ոչ մի դեպք չի եղել: Մի՞թե սա հրաշալի չէ»,- ասել է դե Բլազիոն:
Այդուհանդերձ, արդեն երկուշաբթի քաղաքում տեղի է ունեցել հրաձգություն. Բրոնքսի շրջանում մի տղամարդ հրազենային վնասվածք է ստացել եւ հոսպիտալացվել: Հաղորդվում է, որ նրա առողջությանը վտանգ չի սպառնում: