News
Լրահոս
News
Չորեքշաբթի
Հունվար 23
Տեսնել լրահոսը

«Սա թողարկված վերջին պղինձն է։ Մեծ ցավով տեղեկացնում եմ, որ այս պահից դադարեց աշխատել պղնձաձուլարանի սիրտը՝ մետալուրգիական արտադրամասը։ Վերջացավ...». ֆեյսբուքյան այս գրառումը կատարել է Ալավերդու պղնձաձուլական գործարանի աշխատակից Գարեգին Անտաշյանը։

NEWS.am-ի հետ զրույցում գործարանի մեկ այլ աշխատակից՝ Արտեմ Նիկողոսյանն ասաց, որ գործարանի աշխատանքը վերջնականապես  դադարեցված չէ՝  վառարանները մինիմալ կրակով աշխատում են, քանի որ եթե սառչեն, կդառնան անպիտան. «Գործարանում եղած վերջին գրամ պղնձի հումքը պահեստներից մաքրել են, բեռնել վառարանը։ Հանքավայրերից ներմուծում չկա արդեն մեկ շաբաթից ավելի։ Սեփականատերը որոշել է դադարեցնել աշխատանքը, մինչեւ ծագած խնդիրները լուծվեն»։

Նա պարզաբանեց, որ անցած երկուշաբթի «Վալլեքս» խմբի ընկերությունների նախագահ, «Թեղուտ» ՓԲԸ գլխավոր տնօրեն Վալերի Մեջլումյանը հանդիպել է ՀՀ փոխվարչապետի պաշտոնակատար Տիգրան Ավինյանի հետ։ Փոխվարչապետը սեփականտիրոջից մեկ շաբաթ ժամանակ է  պահանջել՝ խնդիրն ուսումնասիրելու համար։ Գործարանի աշխատակիցն ասաց, որ վաղը 5 աշխատանքային օրը լրանում է եւ իրենք սպասում են պատասխանի։ 

Գարեգին Անտաշյանն ասաց, որ գործարանը Էկոլոգիական տուգանքեր ունի  վճարելու, բացի այդ, ՎՏԲ բանկի հետ վարկային չկատարված պայմանագրեր ունի եւ երրորդը՝ էկոլոգիական խնդիր կա. «Բայց եթե պետությունն աջակցի, գործարանը չփակվի, ընկերությունը պատրաստ է չինական բարձր որակի տեխնոլոգիական միջոցներով էկոլոգիայի հարցը լուծել»։

«Էյ–Սի–Փի» ընկերության աշխատակիցների առաջին քայլը եղել է վարչապետին այս խնդրանքով բաց նամակ գրելը։ 

Վաղը, բացասական պատասխանի դեպքում, 650 աշխատակից ունեցող կոլեկտիվը եւ Ալավերդու բնակիչները մտադիր են բողոքի ցույց անել։

Տպել
Կարդացեք նաև
Ամբողջը
«Ժողովուրդ». ՊՎԾ պետ Դավիթ Սանասարյանը ոչինչ չունի՝ ո´չ բնակարան, ո՛չ ավտոմե­քենա, ո´չ էլ փող
«Ժողովուրդ» օրաթերթը, ուսումնասիրելով նրա «դատարկ» հայտարարագիրը, նկատեց նաեւ, որ Սանասարյանը անգամ եկամուտ չի ունեցել...
«Փաստ». Ի՞նչ դրամական միջոցներ ունի ՅՈւՆԵՍԿՕ–ում ՀՀ մշտական ներկայացուցիչը
Նշված հայտարարագրում տվյալներ չկան անշարժ եւ շարժական գույքի վերաբերյալ...
«Փաստ». Մտահոգիչ փաստեր. պետական գերատեսչություններից զանգվածային ազատումներ են սպասվում
Մեր տեղեկություններով, իշխանություններն այս փուլում փորձում են համալրել կադրային ահռելի բացը...
«Հրապարակ». Անսպասելի ընտրություն. ԵՊՀ հոգաբարձուների խորհրդի նոր նախագահը ՀՀԿ խորհրդի անդամ է. մանրամասներ
ԵՊՀ-ում բավականին անսպասելի է եղել հոգաբարձուների խորհրդի նախագահի պաշտոնում Գեւորգ Մուրադյանի ընտրությունը...
«Ժամանակ». Նաիրա Զոհրաբյանն առաջարկ է ստացել ԵՄ-ից
ԵՄ ներկայացուցիչները ցանկություն ունեն հնարավորինս արդարություն ապահովել...
«Փաստ». Խտրական «հավասարությունը» Սերժի եւ Նիկոլի «վախտ»
Հայաստանում իշխանության հասցեին հնչող ցանկացած մտահոգություն ստանում է՝ «բա Սերժի վախտ լա՞վ էր» որակի արձագանք, նշենք, որ, իհարկե, լավ չէր...