Հոկտեմբերի 18-ին, ժամը 15.30-ին, ոստիկանության Երեւան քաղաքի վարչության օպերատիվ կառավարման կենտրոն է զանգահարել մի քաղաքացուհի եւ հայտնել, որ Քաջազնունու փողոցի 8 շենքի թիվ 1/1 հասցեում գործող դեղատանը իր քրոջ` 42-ամյա Արմինե Ե.-ի բջջային հեռախոսը գողացել են:
Ոստիկանությունից NEWS.am-ին հայտնում են, որ մեկնած օպերատիվ խմբին Արմինե Ե.-ն հաղորդում է տվել, որ նույն օրը, ժամը 15.00-ին, անհայտ անձը օգտվելով իր անուշադրությունից, գողացել է դեղատան դրամարկղի մոտ դրված «Սամսունգ Ջ-5» տեսակի բջջային հեռախոսը:
Ոստիկանության ծառայողների ձեռնարկած օպերատիվ-հետախուզական միջոցառումների շնորհիվ պարզվել է, որ գողությունը կատարել է 38-ամյա Վարուժան Հ.-ն, որը նույն օրը, ժամը 19.10-ին, Քաջազնունու փողոցի թիվ 9 շենքի մոտից բերման է ենթարկվել բաժին եւ տվել խոստովանական բացատրություն:
Ձեռնարկվում են միջոցառումներ գողոնը հայտնաբերելու ուղղությամբ:
Կատարվում է քննություն:
