News
Լրահոս
News
Ուրբաթ
Նոյեմբեր 16
Տեսնել լրահոսը


Idram վճարային համակարգը եւ IDbank-ը համատեղ գործարկելու են նոր թվային հարթակ: Այդ մասին հայտարարվեց հոկտեմբերի 20-ին «Հայֆիլմ» կինոստուդիայում Idram-ի եւ IDbank-ի կողմից կազմակերպված Galactic city շոու համերգի ընթացքում: Միջոցառումը նվիրված էր Էրեբունի-Երեւանի 2800 – ամյակին, որին հրավիրված էին աշխարհահռչակ վինիլային արտիստներ Գերմանիայից եւ Հայաստանից`  Glenn Astro, Christopher Rau, Tommy Finger Jr., Jacob Semirjyan. Թվային հարթակի հիմնական գործառույթները յուրահատուկ մատուցմամբ ներկայացվեցին ֆուտուրիստիկ ձեւաչափի show-room-ում:

Idram-ի տնօրեն Արսեն Քդեյանը լրագրողների հետ զրույցում նշեց, որ նոր հարթակը հնարավորություն կտա օգտատերերին մոբայլ հավելվածի միջոցով հեռահար բացել հաշիվներ, կցել միջազգային վճարային համակարգի ցանկացած քարտեր, վճարել ավելի քան 200 ծառայությունների դիմաց, Idram-ի գործընկերներից ստանալ առցանց վարկեր, կատարել վարկային պարտավորությունները եւ բանկային հաշիվներին փոխանցել դրամական միջոցներ, գործընկեր խանութներում եւ ռեստորաններում վճարումները կատարել QR-կոդով` ստանալով Cash back եւ այլ առավելություններ:

«IDbank-ի հետ որոշեցինք ստեղծել մի հարթակ, որտեղ հնարավոր կլինի մեր օգտատերերին միասնաբար մատուցել երկու կազմակերպությունների ծառայությունները, որպեսզի նրանք կարողանան իրականացնել բոլոր տեսակի ֆինանսական գործառնություններ թե Հայաստանում, թե արտերկրում: Օգտատերը մեզ համար ամենակարեւոր արժեքն է: Նրա շնորհիվ է Idram-ը բարգավաճում եւ զարգացնում իր ծառայությունները: Այժմ եկել է ժամանակը, երբ անհրաժեշտ է շարժվել նորարարական տեխնոլոգիաների սրընթաց զարգացմանը համապատասխան, հաշվի առնելով հաճախորդների պահանջմունքները»,- նշեց Idram-ի տնօրենը:

Երկու ընկերությունները, համատեղելով իրենց տեխնոլոգիական հնարավորությունները, ֆինանսական գործիքները եւ ֆինանսական փաթեթները՝ հնարավորություն են ընձեռում իրենց հաճախորդներին օգտվել ծառայություններից մեկ պատուհանի միջոցով: Նման փորձ կիրառվում է արդեն զարգացած երկրներում»,- իր հերթին նշեց IDbank-ի թվային բանկինգի տնօրեն Սերգեյ Առաքելյանը:

Նրա խոսքով, հարթակը գործարկվելու է առաջիկա ամիսների ընթացքում: Հաճախորդներին հարթակի հնարավորությունները ներկայացվելու են փուլ առ փուլ:  Այն հնարավորություն է ընձեռելու թե IDbank-ի, թե Idram-ի հաճախորդներին օգտվել ֆինանսական գործիքների ամբողջական գործիքակազմից:

Տպել
Կարդացեք նաև
Ամբողջը
Արդշինբանկը «Thomson Reuters» ընկերության կողմից արժանացել է «Eikon Award 2018» մրցանակի
Բանկն այս անվանակարգում հաղթող է ճանաչվել Matching համակարգի գործարկման շնորհանդեսի ընթացքում...
Արթուր Ջավադյանը մեկնել է Ալմաթի՝ մասնակցելու ֆինանսիստների ֆորումին
Այցի շրջանակում նախատեսվում են մի շարք երկկողմ հանդիպումներ գործընկեր կառույցների ղեկավարների հետ: ԿԲ պատվիրակությունը մասնակցելու է նաեւ...
2018 թ. երրորդ եռամսյակում դիտվել է տնտեսական ակտիվության որոշակի թուլացում. ԿԲ
Վերաֆինանսավորման տոկոսադրույքն անփոփոխ՝ 6 տոկոս…
Փոխվել է վարկավորման կառուցվածքը. ավելի շատ վարկեր սկսել են ուղղվել արդյունաբերություն, հիփոթեքային շուկա. ԿԲ նախագահ
Բանկային շուկայում մրցակցությունը մեծ է եւ այսօր կան գործարարներ շուկայում, որ նախկինում են վարկեր վերցրել, որոնց պայմաններն անհամեմատելի են գործող պայմանների հետ...
Արթիկում IDBank-ի հովանավորությամբ ՏՏ դասասենյակ է բացվել (ֆոտո)
Որպես այս դպրոցի շրջանավարտ հպարտ եմ, որ այսուհետ IDBank-ի ջանքերով իմ դպրոցի աշակերտական ներկայիս սերունդը կհաղորդակցվի նորագույն տեխնոլոգիաներին և կսովորի ծառայեցնել դրանք իր նպատակներին…
Համաշխարհային բանկի՝ տնտեսական աճի կանխատեսումները Հայաստանի և հարևան երկրների համար
Տնտեսական աճի մասին համեմատաբար վատատեսական սպասումներ կան Ադրբեջանի դեպքում՝ 2019թ. 3,8%–ից այն կարող է իջնել մինչև 3,2%...
Partner news