Կանադայի վարչապետ Ջասթին Թրյուդոն հայտարարել է, որ երկրի համար շատ դժվար կլինի հրաժարվել Էր Ռիադին մոտ 13 միլիարդ դոլարի սպառազինություն մատակարարելու համաձայնագրից, ինչպես պահանջում են քննադատները։ Թրյուդոն այդ առիթով ճնշման տակ է հայտնվել՝ տեղեկացնում է Reuters-ը։
Ըստ վարչապետի՝ համաձայնագիրն այնպես է ձեւակերպված, որ չեղյալ համարելու դեպքում հարկատուները ստիպված կլինեն մեծ գումարներ վճարել։ «Նախկին իշխանությունների օրոք ստորագրված պայմանագիրը շատ բարդացնում է դրա դադարեցումը, սակայն իմ աշխատակազմը զանազան տարբերակներ է դիտարկում»,- ասել է Թրյուդոն։
