ՌԴ նախագահ Վլադիմիր Պուտինը նոյեմբերի 11-ին Փարիզ կատարելիք այցի ընթացքում կհանդիպի ԱՄՆ նախագահ Դոնալդ Թրամփի հետ։ Այս մասին հայտարարել է Պուտինի օգնական Յուրի Ուշակովը՝ տեղեկացնում է Ինտերֆաքսը։

Ուշակովն ասել է, որ Պուտինի եւ Թրամփի օգնական Ջոն Բոլթոնի հանդիպման ընթացքում այդ մասին նախնական պայմանավորվածություն է ձեռք բերվել։ Երկու երկրների ղեկավարները կայցելեն Փարիզ՝ մասնակցելու Առաջին համաշխարհային պատերազմի 100 ամյակին նվիրված միջոցառումներին։

Ըստ Ուշակովի՝ ծրագրվում է, որ հանդիսավոր միջոցառումներից հետո տեղի կունենա ՌԴ եւ ԱՄՆ նախագահների երկկողմ հանդիպում։