ՆԱՏՕ-ի եվրոպական անդամները ԱՄՆ-ին կոչ են արել Ռուսաստանին վերադարձնել սպառազինությունների վերահսկողության պայմանագրի կատարմանը, ոչ թե դուրս գալ այնտեղից՝ տեղեկացնում է Reuters-ը։
Փակ նիստում Պետդեպի, Պենտագոնի եւ Ազգային անվտանգության խորհրդի ներկայացուցիչները դաշինքի ներկայացուցիչներին տեղեկացրել են Փոքր եւ միջին հեռահարության հրթիռների ոչնչացման պայմանագրից դուրս գալու ԱՄՆ նախագահ Դոնալդ Թրամփի որոշման մասին։
Գերմանիան եւ եվրոպական մյուս դաշնակիցները կոչ են արել Վաշինգտոնին կենտրոնացնել ջանքերը եւ Կրեմլին համոզել դադարեցնել պայմանագրի խախտումը, կամ գուցե վերանայել այն՝ դրանում ներառելով նաեւ Չինաստանին։
ՆԱՏՕ-ն հրաժարվել է մեկնաբանել հանդիպման մանրամասները, սակայն հանդես է եկել հայտարարությամբ, որում ասվում է, որ դաշնակիցներն իրենց գնահատականը կտան «անվտանգության համար Ռուսաստանի ապակայունացնող վարքագծի հետեւանքներին»։