Չինական նավթային China National Petroleum Corp. (CNPC) եւ China Petrochemical Corp. ընկերությունները հրաժարվել են նոյեմբերին Իրանից նավթային մատակարարումներից, պնդում է The Wall Street Journal թերթը՝ վկայակոչելով իրավիճակին ծանոթ զրուցակիցներին։ «ՌԲԿ»–ն գրում է, որ CNPC–ին պատկանող Կունլուն բանկը արդեն տեղյակ է պահել իրանական պայմանադիր կողմերին, որ նրանց հետ փոխգործակցությունը կդադարեցնի նոյեմբերի 4-ին, երբ ուժի մեջ կմտնեն ամերիկյան սահմանափակումները։
Նախկինում Չինաստանը Իրանից օրական գնում էր շուրջ 600 հազար բարել եւ, մասնավորապես, Թեհրանում Կունլուն բանկի միջոցով իրականացվում էին հիմնական վճարումները։
Վաշինգթոնյան վարչակազմում WSJ–ի աղբյուրն իր հերթին հայտնել է, որ Իրանից նավթի գնումները կասեցնելու հարցը քնարկվել է Չինաստանի հետ։