ԱՄՆ նախագահ Դոնալդ Թրամփը հայտարարել է, որ ընտրություններում իր հաղթանակը վատթարագույն իկրադարձությունն է, որ կարող էր տեղի ունենալ Ռուսաստանի հետ, փոխանցում է «ՌԻԱ Նովոստի»-ն:
«Գիտեք, ինչ կասեմ՝ ընտրություններում իմ հաղթանակը վատթարագույն բանն էր, որ Ռուսաստանի հետ երբեւէ կատարվել է»,- հայտարարել է Թրամփը Հյուսիսային Կարոլինայում նախընտրական հանրահավաքի ժամանակ:
«Բայց միաժամանակ, Ռուսաստանի, Չինաստանի, Հյուսիսային Կորեայի, Ճապոնիայի հետ լեզու գտնելը լավ է, ոչ թե վատ»,- հավելել է նա՝ Հելսինկիում Ռուսաստանի նախագահ Վլադիմիր Պուտինի հետ իր հանդիպումը լավ որակելով:
Ներկայումս Թրամփը մասնակցում է առաջիկա ընտրություններում հանրապետական թեկնածուների աջակցության միջոցառումներին:
ԱՄՆ-ում միջանկյալ ընտրությունները նախատեսված են նոյեմբերի 6-ին: Դրանք միջանկյալ են կոչվում, քանի որ անցկացվում են գործող նախագաի պաշտոնավարման ժամկետի միջնամասում: Քվեարկության ընթացքում կվերընտրվեն Ներկայացուցիչների պալատի 435 պատգամավորներ, 100 սենատորներից 35-ը, ինչպես նաեւ 39 նահանգների եւ տարածքների նահանգապետները: